Kryetari i komunës prof.dr. Ramadan Muja, nisi konvojin me ndihma për qytetarët e përmbytur nga uji në Shqipëri.
Komuna e Prizrenit së bashku me komitetin e biznesit dhe qytetaret grumbulluan ndihma në vlerë 50.000 euro.Produktet ushqimore, veshmbathjet, mbulojat dhe produktet higjeno-sanitare, janë artikujt të cilët janë nisur për në viset e përmbytura të Shqipërisë.
Kryetari Muja, theksoi se jam shumë i nderuar qe se bashku me biznesin dhe të tjerët po nisim këto ndihma për vëllezërit tanë në Shqipëri të cilet kanë nevojë pas përmbytjeve të ujit ditëve të fundit.
Petrit Bushi përfaqësues i ambasadës së Shqipërisë në Kosovë, falënderoi shumë kryetarin e komunës prof.dr. Ramadan Muja dhe komunitetin e biznesit për përkrahjen e treguar dhe zemërgjerësinë e tyre në mbështetje të mijëra familjeve në nevojë.
Edhe kryeministri i Republikës së Shqipërisë z. Sali Berisha, përmes një letre, falënderoi kryetarin Muja, për këtë nismë shumë humane dhe solidaritetin e treguar për qytetarët e përmbytur të komunave të Shqipërisë.


