Kryetari i komunës prof.dr. Ramadan Muja, priti në zyrën e tij, përfaqësuesit e dalluar gjatë vitit 2009 në lëmin e sportit dhe të kulturës në Prizren.
Të cilësuarit nga komuna si më të mirët në sport dhe kulturë, falënderuan kryetarin Muja, për përkrahjen e vazhdueshme dhe mbështetjen materiale dhe logjistik për zhvillimin e këtyre dy lëmive me interes ë veçantë për shoqërinë.
Kryetari z. Ramadan Muja, përshëndeti angazhimet e të laureuarve në këto lëmi dhe premtoi se edhe gjatë vitit 2010, komuna e Prizrenit do të jetë në mbështetje të plotë të aktiviteteve dhe projekteve me interes për qytetarin e komunës sonë.
Aktivitetet sportive, kulturore, botimet dhe evenimentet tjera qe do të zhvillohen në komunën e Prizrenit dhe qe ndikojnë në ngritjen dhe zhvillimin e përgjithshëm të shoqërisë sonë do të gëzojnë përkrahje dhe mbështetje materiale.
Sporti dhe kultura janë ambasadorë dhe komunikuesit më të mirë në mes të popujve të ndryshëm dhe janë sovranët më të mirë për shtrirjen e urave të bashkëpunimeve të reja.
Prof.dr Yll Zajmi në emër të laureuarve përshëndeti kryetarin Muja dhe theksoi se edhe në të ardhmen së bashku me të tjerët do të mundohemi qe Prizrenin ta lartësojmë me projekte dhe aktivitete të cilat do të ndikonin në formësimin sa me të mirë të shoqërisë sonë.