Infrastruktura, shëndetësia, bujqësia dhe sektor të tjerë paraqitën kërkesat e tyre për aprovim nga ana e kryetarit të komunës.
Projektet e miratuara në këtë mbledhje janë :

Shpalljes së tenderit për ndërtimin e QMF-së në lagjen “Bajram Curri”, lejimi i shpalljes së tenderit për ndërtimin e AMF-së në fshatin Poslisht, lejimi i shpalljes së tenderit për ndërtimin e AMF-së në fshatin Pllanjan;

Lejimi i shpalljes së tenderit për pajisje laboratorike, pajisje stomatologjike, furnizim me aparat rëntgeni stomatologjik-ortopan, furnizim me një aparat rëntgeni, lejimin e shpalljes së tenderit për blerje të një aparati ultrazë për Gjinekologji, një aparati të EKG-së;

Në këtë mbledhje u aprovua edhe realizimi i projektit “Vizitat sistematike në të gjitha shkollat e arsimit fillor – të mesëm të ulët  të Komunës së Prizrenit”;
Lejimi i shpalljes së tenderit për ndërtimin e “Art Qendrës”-faza e dytë, lejimi i shpalljes së tenderit për renovimin e objektit të Qendrës Rinore në lagjen Ortakoll, mbështetje financiare për realizimin e projektit “Fuqizimi i grupeve formale dhe jo formale”;

Drejtorisë së Urbanizmit dhe Planifikimit Hapësinor iu lejua të shpallë tender për hartimin e projektit që ka të bëjë me restaurimin e objektit-shtëpi muze të Murat Spahiut, si dhe hapjen e tenderit për restaurimin e këtij objekti sipas projektit të hartuar.
Drejtorisë së Mbrojtjes dhe Shpëtimit iu lejua të shpallë tender për ndërtimin e tre nënstacioneve për ShZSh-në;

Drejtorisë së Bujqësisë dhe Zhvillimit Rural iu lejua: Miratimi i propozimit të komisionit komunal për përcaktimin e zonave për eksploatimin e inerteve në territorin e Komunës së Prizrenit, shpalljes së tenderit për vaksinimin e qenve kundër tërbimit-Rabiesit, shpalljes së tenderit për riparimin e kanalit të ujitjes për tokat bujqësore në fshatin Lubizhdë, shpalljes së tenderit për ndërtimin e pendës për ujitje në fshatin Smaq, shpalljes së tenderit për ndërtimin e kanalit të ujitjes për tokat bujqësore në fshatin Sërbicë e Ulët dhe shpalljes së tenderit për përkrahje të bletarëve me mjete mbrojtëse;

Drejtorisë së Arsimit dhe Shkencës iu aprovua shpallja e tenderit për renovimin e nyejve sanitare në ShFMU “Izvor” në Lubinje të Epërme;
Në këtë takim kryetari i komunës prof.dr. Ramadan Muja aprovoi edhe përkrahje financiare për Shoqatën e të Verbërve për realizimin e projektit “Mësojmë kuzhinën”.